РАИСИ ВИЛОЯТ АЗ СОХТМОНИ ХОНАҲОИ ИСТИҚОМАТӢ БАРОИ ОИЛАҲОИ КАМБИЗОАТ ВА БЕСАРОБОН ДИДАН НАМУД
Раиси вилояти Хатлон Давлаталӣ Саид дар идомаи сафари кории худ ба ноҳияи Ховалинг аз ҷараёни сохтмони 10 хонаи истиқоматӣ барои оилаҳои камбизоат ва бесаробон дар деҳаи "Айлодара"- и Ҷамоати деҳоти ба номи "Ғаффор Мирзо" дидан намуд.
Сохтмони ин хонаҳо дар доираи иқдоми башардӯстона бо дастгирии молиявии Аморати Муттаҳидаи Араб тавассути Ташкилоти ҷамъиятии хайриявии "Тоҷикистон” ба роҳ монда шуда, ба оилаҳое бахшида мешавад, ки саробони худро аз даст додаанд ва дар шароити сахти иҷтимоӣ бо фарзандони ноболиғ умр ба сар мебаранд.
Тибқи лоиҳа, ҳар як хонаи истиқоматӣ аз се ҳуҷра, ҳаммом ва долон иборат буда, бо маблағи 150 ҳазор сомонӣ сохта мешавад. Хонаҳо бо тамоми таҷҳизоти рӯзгор муҷаҳҳаз гардонида шуда, шароити заруриро барои зиндагии арзанда фароҳам месозанд. Дар ҷараёни сохтмон зиёда аз 30 нафар коргарони маҳаллӣ бо ҷойи кор ва маоши муносиб таъмин шудаанд.
Раиси вилояти Хатлон Давлаталӣ Саид зимни боздид аз сифати корҳои сохтмонӣ ва тарҳи хонаҳо изҳори қаноатмандӣ намуда, таъкид доштанд, ки дастгирии табақаҳои ниёзманд, хусусан оилаҳои камбизоат ва бесаробон аз самтҳои афзалиятноки сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ маҳсуб меёбад.
Ҳамзамон, ба масъулон дастур дода шуд, ки ҷиҳати анҷоми босифати корҳои боқимонда ва мавриди истифода қарор додани хонаҳо то ҷашни 35-солагии Истиқлоли давлатии Ҷумҳурии Тоҷикистон тадбирҳои зарурӣ андешида шаванд.
Хабарҳои дигар
Боздид аз ҷараёни маҳаллаи навбунёд дар деҳаи Сафедмуни ноҳияи Тоҷикобод
12 сентябр Пешвои миллат муҳтарам Эмомалӣ Раҳмон зимни сафари корӣ дар ноҳияи Тоҷикобод аз ҷараёни бунёди маҳаллаи нав дар деҳаи Сафедмуни ҷамоати
Супоридани хонаҳои истиқоматӣ ва майдончаи варзишӣ ба оилаҳои аз офати табиӣ зарардидаи ноҳияи Ишкошим
13 октябр дар доираи сафари корӣ ба ноҳияи Ишкошим Президенти Ҷумҳурии Тоҷикистон муҳтарам Эмомалӣ Раҳмон дар деҳаи Зугванди поёни деҳоти Зонг
ХАТЛОН: РАИСИ ВИЛОЯТ БА 10 ОИЛАИ НИЁЗМАНД ВА ЯТИМОН КАЛИДИ ХОНА ТӮҲФА НАМУДАНД
1 сентябр, раиси вилояти Хатлон Давлаталӣ Саид зимни сафари корӣ дар деҳаи Ваҳдати ҷамоати деҳоти Ҷиликули ноҳияи Дӯстӣ 10 хонаи истиқоматиро
ФАРХОР: БОЗДИДИ РАИСИ ВИЛОЯТИ ХАТЛОН ДАВЛАТАЛӢ САИД АЗ РАФТИ КОРҲОИ СОХТМОНИИ МАНЗИЛҲОИ ИСТИҚОМАТӢ БАРОИ СОКИНОНИ АЗ ОФАТИ ТАБИӢ ЗАРАРДИДА
Имрӯз, 14 сентябр, раиси вилояти Хатлон Давлаталӣ Саид зимни сафари корӣ дар деҳаи Сурхоби ҷамоати деҳоти Хутани ноҳияи Фархор аз рафти
ФАРХОР. ТАҚДИМИ КАЛИДИ З6 ХОНАИ НАВИ ИСТИҚОМАТӢ БАРОИ ЗАРАРДИДАГОНИ ОФАТИ ТАБИӢ
27 ноябр, Сарвазири Ҷумҳурии Тоҷикистон Қоҳир Расулзода, раиси вилояти Хатлон Давлаталӣ Саид ва сардори Сарраёсати иҷрои ҷазои ҷиноятии Вазорати