Рӯзи Ваҳдати миллӣ баёнгари фатҳи бузурги сиёсӣ ва фарҳангии халқи тоҷик, таҷаллии ақлу заковат, хирадмандӣ, таҳаммулпазирӣ ва фарҳанги сулҳофарини миллатамон буда, дар таърихи давлатдории навини тоҷикон ҷойгоҳи арзишманд дорад. Дар ин санаи ифтихорӣ миллати мо роҳи хирадро интихоб карда, дар баробари ҳифзи якпорчагии давлат ва оромии ҷомеа, ба рушди минбаъдаи иқтисодиву иҷтимоии кишвар заминаи устувор гузошт.

Бо камоли фараҳмандӣ сокинони шарафманди вилояти Хатлонро ба ифтихори 28-умин солгарди Рӯзи Ваҳдати миллӣ сидқан табрику таҳният гуфта, барои ҳар фарди ҷомеа сулҳу оромӣ, бахту иқболи нек ва ба Тоҷикистони азизамон рушду пешрафт ва шукуфоиро таманно менамоям.

Маврид ба зикри хос аст, ки расидан ба ин рӯзҳои ободу осуда кори саҳлу осон набуд. Маҳз хиради сиёсии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва иродаи устувори мардум, кишвари моро аз гирдоби ҷанги шаҳрвандии харобиовар наҷот дод ва аз вартаи нобудӣ раҳо бахшид. Яъне Пешвои муаззами миллат қудратро на танҳо барои қудрат, балки барои хушбахтии мардуми азизаш пазируфтанд.

Пешвои муаззами миллат муҳтарам Эмомалӣ Раҳмон зимни суханрониҳо ва паёмҳои хеш борҳо таъкид кардаанд, ки: «Ваҳдати миллӣ ва сулҳи саросарӣ барои мо арзиши муқаддас буда, онро ҳамчун гавҳараки чашм бояд ҳифз ва мустаҳкам намоем, зеро маҳз ваҳдат омили асосии рушди давлатдорӣ, таҳкими пояҳои истиқлол ва саодати мардум аст».

Имрӯз мо шоҳиди онем, ки марҳилаи нави рушди Тоҷикистон ба шарофати ваҳдати миллӣ ва суботи сиёсӣ бо маром идома дошта, самараи он дар ҳамаи соҳаҳои ҳаёти ҷомеа эҳсос мешавад. Вилояти Хатлон, ки яке аз калонтарин минтақаҳои кишварамон маҳсуб меёбад, маҳз дар фазои сулҳу суботи сиёсӣ ва ваҳдати комили миллӣ ба дастовардҳои назаррас ноил гардидааст.

Агар ба таърихи на он қадар дури кишвари худ назар андозем, мебинем, ки солҳои 90-уми асри гузашта барои миллати мо яке аз сангинтарин марҳилаҳо ба шумор мерафт. Дар давлати навбунёд сохторҳои номукаммал, оқибатҳои харобиовари ҷанги таҳмилии шаҳрвандӣ, парокандагии ҷомеа, афзоиши гурезагон ва мушкилоти дигари иҷтимоӣ вазъи зиндагии мардумро дар ҳолати бисёр вазнин қарор дода буд.

Маҳз дар ҳамин шароити душвор фарзанди фарзонаи миллат, Пешвои миллат муҳтарам Эмомалӣ Раҳмон бо иродаи қавӣ, рӯҳи ватандӯстона ва масъулияти таърихӣ ба саҳнаи сиёсат омада, нахустин суханони умедбахши худро чунин ироа намуданд: «Ман ба шумо сулҳ меорам!»

Ин суханон на танҳо шиор, балки рисолати таърихие буданд, ки ба сӯйи таҳкими ҷомеаи ягона ва давлатдории муосир роҳи ҳамвор бунёд намуданд. Имрӯз мо мебинем, ки он сулҳи деринтизори миллӣ ба як воқеияти устувори сиёсиву иҷтимоӣ табдил ёфта, аҳли ҷомеаи мо бо дили пок, нияти нек ва саъю талоши муштарак баҳри пешрафти кишвар саҳм мегузоранд.

Дӯстони гиромӣ!

Дар ҷаҳони муосир, ки вазъияти сиёсиву геополитикӣ ниҳоят мураккаб гардидааст, кишварҳо бо таҳдиду низоъ, бесуботӣ, тафриқа, муҳоҷират ва фишорҳои идеологӣ рӯ ба рӯ мебошанд. Дар чунин шароит ҳифзи ваҳдат, субот ва оромии кишвар на танҳо вазифа, балки қарзи виҷдонии ҳар як шаҳрванд аст. Маҳз бо дарназардошти ин нуқта Пешвои миллат муҳтарам Эмомалӣ Раҳмон ҳамеша таъкид менамоянд: «Мо бояд ба қадри истиқлол, ваҳдат ва суботи ҷомеа бирасем, онро ҳифз кунем, барои таҳкими минбаъдаи он содиқона заҳмат кашем ва насли наврасу ҷавонро дар ҳамин рӯҳия тарбия намоем».

Ба ҳамин хотир, имрӯз Ваҳдати миллӣ мояи пойдории Истиқлоли давлатӣ, рушду тараққиёти давлат, эҳёи арзишҳои миллӣ ва ояндаи босаодати наслҳои оянда гардидааст.

Дар ин солҳо вилояти Хатлон ҳамчун минтақаи пешсафи иқтисодӣ ва муҳаррики асосии рушди кишоварзии кишвар бо истифода аз фазои сулҳу ваҳдат ба дастовардҳои назаррас ноил гардидааст.

Сохтмон ва таҷдиди роҳу пулҳо, бунёди муассисаҳои таълимӣ, марказҳои саломатӣ, муассисаҳои фарҳангӣ, корхонаҳои саноатӣ, рушди деҳот, дастрасӣ ба хизматрасониҳои иҷтимоӣ ва беҳбудии шароити зиндагии мардум самараи ваҳдати миллӣ ва сиёсати хирадмандонаи Пешвои миллат мебошад.

Имрӯз мо дар ҳама шаҳру навоҳии вилоят лоиҳаҳои бузурги инфрасохторӣ, иқтисодӣ, фарҳангӣ ва иҷтимоиро дар амал татбиқ менамоем, ки ҳадафи онҳо баланд бардоштани сатҳи зиндагии мардум ва рушди устувори минтақа мебошад. Дар ин ҳама пешравиҳо нақши сулҳу ваҳдати миллӣ ҳалкунанда аст. Зеро бе суботу ваҳдат ва ҳамдилӣ наметавон созандагиву пешрафтро амалӣ кард.

Дар ин замина вазифаи асосии ҳар як сокини вилоят, бахусус хизматчиёни давлатӣ таҳкими сулҳу субот, таъмини фазои ваҳдату ҳамдигарфаҳмӣ, эҳтирому таҳаммул, масъулиятшиносӣ ва ҳамгироии иҷтимоӣ мебошад. Махсусан, тарбияи насли наврас ва ҷавонон дар рӯҳияи ватандӯстӣ, ифтихори миллӣ ва пос доштани арзишҳои сулҳу ваҳдат бояд вазифаи муқаддаси ҳамаи сохторҳои давлативу ҷамъиятӣ бошад.

Ҳамдиёрони арҷманд!

Имрӯз, мо дар остонаи таҷлили 35-солагии Истиқлоли давлатии Ҷумҳурии Тоҷикистон қарор дорем. Ба хубӣ дарк мекунем, ки агар ваҳдати миллӣ намебуд, рушди устувори иҷтимоиву иқтисодӣ, пешрафти саноату кишоварзӣ, таъмини амнияту субот, рушди фарҳанг ва илму маориф, таҳкими пояҳои давлатдорӣ ва ифтихори миллӣ низ номумкин буд.

Аз ин рӯ, моро зарур аст, ки ваҳдатро ҳамчун арзиши муқаддасу бебаҳо, ҳамчун ҷовидонтарин рамзи давлатдорӣ ва мояи зиндагии осоишта ҳифз намоем. Мо бояд дар атрофи Сарвари давлат, Пешвои миллат, ки ҳамчун рамзи ваҳдат ва кафили сулҳу субот мебошанд, беш аз пеш устувору муттаҳид бошем ва дар татбиқи ҳадафҳои стратегии кишвар саҳми устувор гузорем.

Бо истифода аз ин фурсати фараҳбахш, бори дигар ҳамаи Шуморо бо Рӯзи Ваҳдати миллӣ самимона шодбош гуфта, орзу менамоям, ки дар хонадони ҳар як тоҷикистонӣ шодиву нишот, файзу баракат ва муҳаббат ба Ватан танинандоз бошад.

Пойдору ҷовидон бод, ваҳдати миллӣ!

Ободу шукуфон бод, Тоҷикистони азиз!

Дар ҷараёни мулоқот масъалаҳои марбут ба дастгирии дастаҳои футболи лигаи олӣ, якум ва дуюм, рушди инфрасохтори варзишӣ, таъсиси мактабҳои махсуси футбол барои наврасону ҷавонон, инчунин таҳкими заминаҳои рушди футбол дар вилоят мавриди баррасӣ ва таҳлили ҷиддӣ қарор гирифтанд.

Раиси вилоят зимни суханронии худ таъкид намуд, ки футбол яке аз василаҳои муҳими тарбияи маънавӣ ва ҷисмонии ҷавонон маҳсуб ёфта, рушди он дар вилоят, аз ҷумлаи афзалиятҳои сиёсати иҷтимоии роҳбарияти вилоят мебошад.

Намояндагони Федератсияи футболи Тоҷикистон омодагии худро ҷиҳати ҳамкорӣ дар самти тақвияти имкониятҳои футболи маҳаллӣ, ба хусус таъмини мураббиён, дастгирии техникӣ ва баргузории мусобиқаҳо иброз намуданд.

Ҷонибҳо ба мувофиқа расиданд, ки барои татбиқи лоиҳаҳои мушаххас дар соҳаи футбол гурӯҳҳои корӣ таъсис дода шуда, дар ҳамкорӣ бо мақомоти маҳаллӣ ва бахши хусусӣ барномаҳои рушди футбол амалӣ хоҳанд шуд.

Ин вохӯрӣ дар роҳи густариши футбол дар минтақа ба маврид арзёбӣ гардид.

 

 

 

 

 

Дар бинои ҳукумати вилояти Ленинград мулоқоти ҳайати вилояти Хатлон бо губорнатор Александр Дрозденко баргузор гардид.

Сипас, Созишнома байни Мақомоти иҷроияи ҳокимияти давлатии вилояти Хатлон (Ҷумҳурии Тоҷикистон) ва Ҳукумати вилояти Ленинград (Федератсияи Россия) оид ба ҳамкориҳои байналмилалӣ ва иқтисоди хориҷӣ дар соҳаҳои тиҷоратию иқтисодӣ, илмию техникӣ ва иҷтимоӣ-фарҳангӣ ба имзо расид.

Ҷонибҳо ҳавасмандии худро ҷиҳати таҳким ва густариши минбаъдаи ҳамкориҳои мутақобилан судманд баён доштанд.

Мақсади Созишнома густариши ҳамкориҳои тиҷоратию иқтисодӣ, илмию техникӣ, иҷтимоию фарҳангӣ ва гуманитарӣ мебошад.

Тасвиби санади мазкур ба вилояти Хатлон имкон медиҳад, ки ҳамкориро бо вилояти Ленинград дар соҳаҳои саноат, савдо, сармоягузорӣ, энергетика, самаранокӣ ва сарфаи нерӯи барқ,

сохтмон, нақлиёт, хоҷагии манзилию коммуналӣ, комплекси агросаноатӣ, рушд ва дастгирии соҳибкории хурду миёна, технологияҳои иттилоотӣ, рақамикунонии иқтисодӣ, васоити ахбори омма, фарҳанг, сайёҳӣ, сиёсати ҷавонон, тарбияи ҷисмонӣ ва варзиш, тандурустӣ, хизматрасонӣ ва тадбирҳои дастгирии иҷтимоӣ, маориф, илм ва техника ва фаъолияти инноватсионӣ ба роҳ монад.

 

 

 

 

 

 

 

 

 

 

 

 

 

 

 

 

 

 

 

 

 

 

 

Корхонаи "Артекс" яке аз истеҳсолкунандагони маъруфи Россия буда, зардевориҳо бо акс, мусаввараҳои ороишӣ истеҳсол намуда, ба стандартҳои ҷаҳонӣ ҷавобгӯ мебошад.

Масоҳати маҷмааи истеҳсолӣ 24,000 м², майдони умумӣ 50,000 м² аст. Шумораи кормандон 500 нафар буда, аз оғози сохтмони корхона то баровардани маҳсулоти аввалин 1 сол гузаштааст.

Раиси вилояти Хатлон Давлаталӣ Саид бо фаъолият ва иқтидори корхона шинос гардида, бо роҳбарияти он дидору мулоқот анҷом доданд.

Зимни мулоқот масоили ҳамкориҳо, табодули таҷриба, технологияи коркард ва дигар масъалаҳо мавриди баррасӣ қарор гирифт.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ёдгорӣ дар ноҳияи Гатчинаи вилояти Ленинград воқеъ буда, дар ин ҷо солҳои ҷанг лагерҳои асирон воқеъ гардида буданд. Дар давраи истило дар лагерҳои Гатчина қариб 80 ҳазор асир ҳалок шуданд.

Пояи ёдгорӣ 47 метр буда, дар болои он симои модаре гузошта шудааст, ки дар лаҳзаи охирин талош дорад фарзандонашро наҷот диҳад. Дар паҳлуи муҷассама 150 ҳайкалҳои одамони ҳақиқии ноҳияҳои Россия, ки аз дасти фашистон ҳалок шудаанд, гузошта шудаанд. Ба шарафи онҳо оташи абадӣ фурӯзон аст.

 

 

 

 

 

 

 

 

 

 

Гуруҳи намояндагони мақомоти давлатӣ бо роҳбарии раиси вилояти Хатлон Давлаталӣ Саид дар шаҳри Санкт-Петербурги Федератсияи Россия бо роҳбарон, фаъолони ҷамъияти тоҷикони муқимӣ ва соҳибкорони бурунмарзӣ мулоқот намуданд.

Раиси вилояти Хатлон ҳадафи асосии мулоқотро гузаронидани суҳбати озод, муколамаи судманд ва бохабар шудан аз ҳолату вазъи имрӯзаи ҳамватанони берунмарзӣ арзёбӣ карданд.

Боиси хушнудист, ки айни ҳол муносибати дуҷонибаи стратегии Тоҷикистону давлати бузурги Россия бомуваффақият густариш меёбанд ва мулоқотҳои мунтазами сарони ду кишвар барои таҳкими бештари ҳамкорӣ заминаи мусоид фароҳам меоранд.

Раиси вилояти Хатлон Давлаталӣ Саид зимни суханрониашон зикр намуданд, ки дар партави сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соли 2024 бо азму талоши сокинони мамлакат иқдому ташаббусҳои созанда вусъати бесобиқа касб карда, мардуми сарбаланди мо ба хотири боз ҳам ободу зебо гардонидани Ватани биҳиштосои худ сарҷамъу аҳлона ва беш аз ҳар вақти дигар заҳмат кашида, ба дастовардҳои бузург ноил гардиданд.

- Боиси тазаккур аст, ки дар ҳошияи ҷашнҳои бузурги миллӣ, аз ҷумла таҷлили 35-солагии Истиқлоли давлатии Ҷумҳурии Тоҷикистон ва Ваҳдати миллӣ хурду бузурги кишвар бо ҳисси баланди ватандӯстиву меҳанпарастӣ ва дастгирӣ аз сиёсати хирадмандонаи Пешвои муаззами миллат барои ободу зебо гардонидани ҳар як гушаи ватани азиз, бунёди корхонаҳои хурду миёнаи истеҳсолию хизматрасонӣ, сохтмон ва таъмири роҳҳои автомобилӣ, пулу нақбҳо, садҳо муассисаҳои маорифу тандурустӣ, фарҳангу варзиш ва дар ин замина таъсиси ҷойҳои нави корӣ саҳмгузорӣ намуда истодаанд.

Дар вохӯрӣ, ки ҳамчун рамзи дастгирии фаъолияти касбии соҳибкорон дар роҳи ободии Ватан сурат гирифт, қайд шуд, ки соҳибкорони бонангу номуси вилояти Хатлон бо дарки амиқи масъулият барои имрӯзу ояндаи кишвар ва пешрафти давлат кӯшиш мекунанд, дар раванди ташкили коргоҳу корхонаҳои истеҳсолӣ, бунёди мактабу муассисаҳои тиббию фарҳангӣ, бо ҷойи кор таъмин намудани шаҳрвандон, афзоиши ҳаҷми истеҳсоли маҳсулот, хулоса, дар таҳкими иқтидори иқтисодии Тоҷикистони соҳибистиқлол ва баланд бардоштани сатҳу сифати зиндагии аҳолӣ саҳмгузор ҳастанд.

Дар ин мулоқот як зумра соҳибкорони маҳаллӣ доир ба роҳҳои таҳкими ҳамкорӣ, омодагӣ иштирок дар корҳои ободонию хуррамгардонӣ, бунёди корхонаю коргоҳҳо, бартараф сохтани баъзе монеаҳо дар роҳи рушди соҳибкорӣ баромад карданд.

Онҳо ҳамзамон зикр намуданд, дар доираи имкониятҳои мавҷуда саъю кӯшиши худро барои васеъ намудани фаъолияти истеҳсоливу хизматрасонӣ, қонеъ гардонидани талаботи бозори дохилӣ ва афзоишиҳаҷми содироти молу маҳсулот, таъмин намудани аҳолӣ бо ҷойҳои корӣ ва боз ҳам ободу зебо гардонидани яке аз вилоятҳои калонтарини ҷумҳурӣ - вилояти Хатлон равона менамоянд.

Дар вохӯрӣ оид ба масъалаи гаравидани ҷавонон ба ҳаракатҳои экстремистию террористӣ суханронӣ шуда, зикр гардид, ки мутаассифона, бисёре аз чунин шахсон ҳангоми муҳоҷирати меҳнатӣ ба ин роҳ мераванд.

Дар қисмати охир раиси вилояти Хатлон Давлаталӣ Саид ҳамватанони бурунмарзиро бахшида ба Рӯзи Ваҳдати миллӣ табрику таҳният намуда, ба онҳо саломативу нерумандӣ таманно намуданд.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Бо шукронаи Истиқлол ва эҳтироми хосса ба тамаддуни бостониву фарҳанги пурғановати халқи тоҷик, фарорасии ҷашни Тиргонро, ки яке аз нишонаҳои олии маънавият, табиатдӯстӣ ва худшиносии миллии ниёгони мост, ба ҳамаи сокинони вилоят ва мардуми шарифи Тоҷикистон самимона таҳният мегӯям.

Ҷашни Тиргон яке аз ойинҳои куҳанбунёди ориёӣ буда, реша дар замири поки миллат ва ҷаҳонбинии табиатгароёнаи ниёгонамон дорад.

Ин ҷашн, ки мутобиқи солшумории бостонӣ рӯзи 13-уми моҳи Тир таҷлил мегардад, рамзи покию тозагӣ, сабзиш ва фаровонӣ, дӯстиву ростӣ ва умед ба фардои дурахшон маҳсуб мешавад. Ба таъкиди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон: «Тиргон, ки дар кишварамон ба шарофати истиқлоли давлатӣ бо тамоми суннатҳои деринааш эҳё гардидааст, ҳоло ба ҷашни миллии мо - тоҷикон ва рамзи худшиносиву ифтихори миллӣ, ваҳдату ҳамдигарфаҳмии мардум ва пайванди наслҳо табдил ёфтааст».

Мардуми Хатлонзамин, ки ҳамеша дар ҳифзи арзишҳои миллӣ, фарҳангӣ ва маънавӣ пешоҳанг мебошанд, имсол низ бо рӯҳи баланди созандагиву худшиносӣ, бо эҳтиром ба муқаддасоти миллӣ ва бо рӯҳи тозаю зебои табиатдӯстона ин ҷашни бостониро бо шукуҳи хос таҷлил мекунанд. Дар шаҳру навоҳии вилоят анъанаҳои дерини Тиргон, яъне обпошиву хонашӯйӣ, оростани дастархони идона, баргузории ҷашнвораҳо ва тарғиби суннатҳои нек, намоиши дастовардҳои кишоварзӣ боз ҳам бо мазмуну муҳтавои тоза эҳё гардида истодаанд.

Тиргон ҷашни суннатии об, зебоӣ, рамзи тавозун миёни инсон ва муҳити зист, рамзи эҳтиром ба табиат ва неъматҳои он аст. Дар замоне ки масъалаи об ва пиряхҳо ба масъалаи рӯзмарраи глобалӣ табдил ёфтааст, рӯ овардан ба ин арзишҳои фарҳангии ниёгонамон бароямон боис ифтихор буда, зарурати маънавӣ ва фарҳангӣ маҳсуб мешавад.

Пешвои муаззами миллат дар паёми худ бо ифтихор зикр намуданд, ки: «Созмони Милали Муттаҳид се ташаббус ва пешниҳоди Тоҷикистонро доир ба ҳифзу истифодаи оқилонаи захираҳои об қабул кард…». Ин нишон медиҳад, ки масъалагузориҳои мубрами Пешвои миллат имрӯз ба сатҳи сиёсати ҷаҳонӣ баромадаанд ва моро зарур аст, ки дар ҳифзу истифодаи оқилонаи манбаъҳои обӣ намунаи ибрати ҷаҳониён бошем.

Имрӯз вақте мо бо ифтихор аз Тиргон ёд мекунем ва онро бо шукӯҳ таҷлил менамоем, бояд фаромӯш насозем, ки об неъмати ҳаёт ва ҷузъи ҷудонопазири зиндагии мост. Ба қадри об расидан, онро пос доштан ва истифодаи оқилонаи он барои ҳар як сокини Хатлонзамин бояд ба як принсипи зиндагӣ табдил ёбад.

Бо мақсади ҳифзи ин неъмати бебаҳо ва нигоҳдории муҳити зист мо дар вилоят иқдомҳои зиёди амалиро роҳандозӣ намуда истодаем, аз таъмири шабакаҳои обёрӣ то тоза нигоҳ доштани манбаъҳои обӣ ва тарғиби фарҳанги сарфаю оқилонаи истифодаи об. Ин ҳама амалу ибтикорот дар рӯҳияи ҷашни Тиргон ва бо нигариш ба фалсафаи зиндагисози он роҳандозӣ мегардад.

Ҳамдиёрони арҷманд!

Мақоми ҷашни Тиргон дар таҳкими худшиносии миллӣ низ қобили зикри хос аст. Мутобиқ ба сарчашмаҳои таърихӣ, ин ҷашн аз байн нарафта, аз шебу фарози асрҳо гузашта, бо талоши ниёгон, бо сабру таҳаммул ва иродаи мустаҳками мардум, бо вуҷуди саддҳои таърихӣ то ба рӯзгори мо омада расидааст. Таҷлили ҷашни Тиргон як навъ пайванде миёни наслҳои дирӯзу имрӯзу фардост.

Ҷашнҳои миллии мо - Наврӯз, Меҳргон, Сада ва Тиргон ҷавҳари ягонаи фарҳангӣ ва ахлоқии миллати тамаддунофари тоҷикро ташкил медиҳанд. Ин ҷашнҳо бо худ некукорӣ, меҳрварзӣ, шодмонӣ, покӣ ва тарғиби эҳтиром ба зиндагӣ ва инсонҳоро меоранд.

Мо, мардуми вилояти Хатлон, имрӯзҳо дар арафаи таҷлили 35-солагии Истиқлоли давлатии Ҷумҳурии Тоҷикистон бо эҳсоси баланди ватандӯстӣ, худшиносии миллӣ ва эҳёи арзишҳои фарҳангии аҷдодӣ ин ҷашнро таҷлил мекунем. Дар қатори садҳо корҳои ободониву созандагӣ, эҳёи ҷашнҳои миллӣ низ як рукни муҳимми рушди маънавии ҷомеа ва таҳкими ваҳдати миллии мост.

Ҷашни Тиргон ҷашни шодиву сабзӣ, покиву ростӣ ва ҳамдигарфаҳмии инсонҳост.

Мо бо таҷлили он ба суннатҳои гузашта эҳтиром мегузорем, арзишҳои имрӯзу фардоро таҳким мебахшем. Ҷашнҳои миллӣ омили тавонои муттаҳидсозандаи ҷомеа ва василаи тақвияти рӯҳияи ватандӯстиву ифтихори миллианд.

Бо ҳамин ният, бори дигар сокинони бонангу номуси вилояти Хатлон, мардуми тамаддунсози тоҷик ва тамоми дӯстдорони фарҳангу суннатҳои дерини миллати моро ба ифтихори ҷашни бостонии Тиргон самимона табрик мегӯям.

Орзу дорам, ки ин ҷашни зебову ҳикматбор дар қалбҳои мо меҳру вафо, покиву ҳақиқат ва дӯстию садоқатро бештар парвариш диҳад ва ба зиндагии ҳар фарди ин сарзамин файзу баракат ва сарсабзиву нусрат оварад.

Бигзор осмони Тоҷикистон ҳамеша софу беғубор монад!

Ҷашни бостонии Тиргон муборак бод!

Зимни мулоқот ҳамсуҳбатон вазъи кунунӣ ва дурнамои рушди муносибатҳоро дар соҳаҳои кишоварзӣ, саноат, фарҳангӣ-гуманитарӣ ва сайёҳӣ баррасӣ карда, оид ба зарурати таҳкими ҳамкории байниминтақавӣ байни ду мамлакат, хусусан дар доираи татбиқи Созишнома байни Мақомоти иҷроияи ҳокимияти давлатии вилояти Хатлони Ҷумҳурии Тоҷикистон ва Ҳокимияти вилояти Марии Туркманистон оид ба ҳамкории тиҷоратӣ-иқтисодӣ, илмӣ-техникӣ, иҷтимоӣ-фарҳангӣ ва гуманитарӣ таъкид намуданд.

Раиси вилоят Давлаталӣ Саид ба роҳ мондани тамоси пайвастаи корӣ байни соҳибкорон ва ширкатҳо, иштироки мутақобил дар чорабиниҳои тарафайн ва таҳвили маълумот оид ба лоиҳаҳоеро, ки дар вилояти Хатлон ва минтақаҳои Туркманистон татбиқ карда мешаванд, муҳим арзёбӣ намуд.

Сафири Туркманистон А. Қочмуродов ба раиси вилояти Хатлон ҷиҳати пазироии самимӣ ва дар сатҳи баланд ташкил намудани Форуми байналмилалии сайёҳӣ миннатдорӣ баён намуда, афзуд, ки дар заминаи Аҳднома оид ба шарикии стратегӣ миёни Ҷумҳурии Тоҷикистон ва Туркманистон тамоми соҳаҳои ҳамкориҳо ба танзим даромадаанд. Президентҳои ду кишвар борҳо сафарҳоро ба давлатҳои ҳамдигар анҷом додаанд.

Ҷонибҳо бо қаноатмандӣ ёдовар шуданд, ки 1 сентябри соли 2024 бо иштироки маҷозии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ва Президенти Туркманистон Сердар Бердимуҳаммадов маросими ифтитоҳи мактаби миёнаи таҳсилоти умумии ба номи Махтумқулӣ Фироқӣ дар ноҳияи Дӯстии вилояти Хатлон баргузор гардид.

Қобили қайд аст, ки гардиши савдо миёни Ҷумҳурии Тоҷикистон ва Туркманистон тамоюли болоравиро касб кардааст.

Маҳсулоти асососии воридоту содирот дар сохтори муомилот иборат аз маҳсулоти нафтӣ, равғани растанӣ, нуриҳои минералӣ ва маҳсулоти саноати кимиёвӣ, инчунин комплекси агросаноатӣ, алюминий ва маснуоти он мебошад. Тибқи маълумоти Агентии омори назди Президенти Ҷумҳурии Тоҷикистон ҳаҷми муомилоти мол дар соли 2024, 19,3 млн. доллари амрикоиро ташкил додааст.

Дар мулоқот ҷонибҳо ҳамчунин доир ба таҳкими минбаъдаи шарикии тиҷоратӣ ва иқтисодӣ табодули назар карданд.

 

 

 

 

 

Ҷонибҳо зимни дидор доир ба маҷмуи васеи масоили ҳамкории дуҷониба, хусусан дар самтҳои рушди тиҷорату сармоягузорӣ, кишоварзӣ, маорифу тандурустӣ, робитаҳои фарҳангӣ ва рушди сайёҳӣ табодули афкор намуданд. Раиси вилоят аз сатҳи равобити дӯстона ва шарикии стратегии миёни Ҷумҳурии Тоҷикистон ва Ҷумҳурии Исломии Покистон изҳори қаноатмандӣ намуда, вилоятро омодаи густариши ҳамкориҳо бо музофотҳои Покистон, бахусус Хайбар Пахтунхва донист.

Дар рафти суҳбат таъкид гардид, ки таҳкими робитаҳои байнивилоятиву байниминтақавӣ дар пояи иродаи сиёсӣ ва дастгирии роҳбарони олии ду кишвар Президенти Ҷумҳурии Тоҷикистон муҳтарам Эмомалӣ Раҳмон ва роҳбарияти Ҷумҳурии Исломии Покистон имкониятҳои навро барои ҳамкорӣ дар соҳаҳои амалӣ фароҳам меорад.

Маврид ба зикр аст, ки моҳи июни соли 2024 раиси вилояти Хатлон муҳтарам Давлаталӣ Саид дар шаҳри Бохтар губернатори музофоти Хайбар Пахтунхваи Ҷумҳурии Исломии Покистон ҷаноби Файсал Карим Кундӣ ва ҳайати ҳамроҳони ӯро ба ҳузур пазируфта буд. Он мулоқот таҳкимбахши робитаҳои байниминтақавии Тоҷикистону Покистон ба шумор мерафт.

Сафири Покистон Муҳаммад Саид Сарвар бо ишора ба мероси муштараки таърихӣ ва фарҳангии ду кишвар, изҳор дошт, ки робитаҳои Тоҷикистону Покистон дар асоси дӯстию эътимоди мутақобила рушд намуда, тайи 33 соли муносибатҳои дипломатӣ ба сатҳи сифатан нав баромадаанд.

Раиси вилоят ба Сафири Покистон ҷиҳати саҳми арзишманд дар таҳкими муносибатҳои дуҷониба, хусусан дар самти вусъати робитаҳои тиҷоративу иқтисодӣ изҳори сипос намуда, ҷонибҳоро ба ҷалби сармоя ба соҳаҳои саноати сабук, коркарди маҳсулоти кишоварзӣ ва инфрасохтори сайёҳӣ даъват кард.

Дар мулоқот таъкид гардид, ки ташкили форумҳои муштараки соҳибкорон, густариши ҳамкориҳои байни донишгоҳҳои ду кишвар ва рушди нақлиёти боркашонӣ тавассути коридори Покистон-Афғонистон-Тоҷикистон метавонад заминаҳои амалии нав барои ҳамгироии минтақаӣ эҷод намояд.

Ҷонибҳо ба натиҷагирӣ расиданд, ки дар асоси манфиатҳои мутақобилан судманд ва рӯҳияи ҳамдигарфаҳмӣ метавон сатҳи ҳамкориҳоро дар доираи лоиҳаҳои муштарак ба маротиб тақвият бахшид.