Фестивали мазкур тибқи Амри Президенти мамлакат ба истиқболи ҷашни 35-солагии Истиқлоли давлатии Ҷумҳурии Тоҷикистон гузаронида шуда, ҳадаф аз он, пеш аз ҳама, вусъат додани корҳои ободонӣ, бунёдкориву созандагӣ, бедор намудани завқи зебоипарастӣ дар зеҳни ҳар сокини мамлакат ва маърифати экологӣ, ободу зебо намудани ҳар хона, кӯча, маҳалла, деҳа, деҳот, шаҳрак, ноҳия, шаҳр, вилоят ва ҷумҳурӣ мебошад.

Дар номинаи «Шаҳри беҳтарин» ҷойи якум насиби шаҳри Хуҷанди вилояти Суғд, ҷой дуюм шаҳри Кӯлоби вилояти Хатлон гардид.

Ноҳияи Исмоили Сомонии шаҳри Душанбе дар номинаи «Ноҳияи беҳтарин» сазовори ҷойи якум гардида, ноҳияи Данғара ҷойи дуюм ва ноҳияи Бобоҷон Ғафуров сазовори ҷойи сеюм шуд.

Дар озмуни мазкур вилояти Суғд ҷойи якум, вилояти Хатлон сазовори ҷой дуюм шуд.

Шаҳри Душанбе соҳиби Шоҳҷоизаи озмуни ҷумҳуриявии «Сайри гули лола» гардид.

Ёдовар мешавем, ки Фестивали гулҳо таҳти унвони «Сайри гули лола» шуруъ аз соли 2019 дар ҷумҳурӣ баргузор мешавад.

 

 

 

 

 

 

 

Дар ин чорабинии идона муовинони раиси вилояти Хатлон Музаффар Мирзозода, Анзурат Абдусаломзода, намояндагони мақомоти иҷроияи маҳаллӣ ва занону модарони фаъоли вилоят иштирок намуданд.

Ҳамоиш бо суханронии Музаффар Мирзозода, муовини якуми раиси вилояти Хатлон, оғоз гардид. Ӯ бо самимият тамоми иштирокчиён, махсусан модарону бонувони шарафманди вилояти Хатлонро аз номи раиси вилояти Хатлон бахшида ба Рӯзи модар табрик намуда, нақши беназири занро дар ҷомеа таъкид кард.

-Зан сарчашмаи зиндагӣ, меҳрубонӣ ва садоқат аст. Бо нерӯи бепоёни худ ӯ чароғи хонадони ҳар як инсон ва тарбиятгари наслҳои солим мебошад. Арҷгузорӣ ба модар ва қадршиносии заҳматҳои ӯ нишонаи маърифати баланд ва фарҳанги волои ҷомеаи мост, -изҳор дошт Музаффар Мирзозода.

Дар идомаи ҳамоиш, бо қадрдонии талошҳои пайвастаи модарон дар рушду пешрафти кишвар, ба як қатор бонувони фаъол сипосномаҳои раиси вилояти Хатлон тақдим гардид. Дар қисмати дуюми чорабинӣ барномаи рангини фарҳангӣ пешкаши иштирокдорон гардид.

 

 

 

 

 

 

 

 

 

 

 

 

 

 

 

 

 

 

 

 

 

 

1. Ахбороти Комиссияи вилоятии интихобот оид ба интихоботи вакилони Маҷлиси вакилони халқи вилоят ва тасдиқ намудани ваколати вакилони Маҷлиси вакилони халқи вилояти Хатлон, даъвати ҳафтум.

2. Дар бораи тасдиқ намудани Дастури Маҷлиси вакилони халқи вилояти Хатлон, даъвати ҳафтум.

3. Дар бораи ташкил намудани комиссияҳои доимии Маҷлиси вакилони халқи вилояти Хатлон, даъвати ҳафтум.

4. Дар бораи тасдиқ намудани ҳайат ва Низомномаи комиссияҳои доимии Маҷлиси вакилони халқи вилояти Хатлон, даъвати ҳафтум.

5. Дар бораи пешбарии номзад ба аъзои Маҷлиси миллии Маҷлиси Олии Ҷумҳурии Тоҷикистон.

6. Дар бораи пешниҳоди намояндагони Маҷлиси вакилони халқи вилояти Хатлон барои иштирок дар ҷаласаи якҷояи Маҷлиси вакилони халқи вилоят ва шаҳру ноҳияҳо оид ба интихоботи аъзоёни Маҷлиси миллии Маҷлиси Олии Ҷумҳурии Тоҷикистон

7. Масъалаҳои ҷорӣ.

Тамоми музаффарият ва неъматҳое, ки дорем, ба шарофати татбиқи сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омада, таҳти роҳбарии фарзанди фарзонаи миллат мамлакатамон ба рушду шукуфоӣ расидааст.

Ғамхориву таваҷҷуҳи доимии Сарвари мамлакат ҷиҳати устувор гардонида-ни иқтисоди миллӣ, баланд бардоштани мавқеъ ва эътибори давлату миллат дар арсаи байналмилалӣ, ҳифзи арзишҳои миллию давлатдорӣ, татбиқи ҳадафҳои стратегӣ ва дар маҷмуъ, таъмини зиндагии шоистаи мардум бесобиқа буда, зери сиёсати муваффақи муҳтарам Эмомалӣ Раҳмон рушди соҳаҳои кишоварзӣ, саноат, сохтмону меъморӣ ва самтҳои гуногунҷанбаи иҷтимоӣ дар вилоят таъмин гардида истодаанд. Ин ҳама пешрафтҳо аз иҷрои дастуру ҳидоятҳои Роҳбари давлат, ки дар Паёми навбатӣ ба Маҷлиси Олии Ҷумҳурии Тоҷикистон ва зимни сафарҳои кориашон ба шаҳру ноҳияҳои вилояти Хатлон баён гардидаанд, бармеояд.

Бахшида ба ҷашни 35-солагии Истиқлоли давлатии Ҷумҳурии Тоҷикистон, тибқи нақша, дар шаҳру ноҳияҳои вилояти Хатлон сохтмони 6260 иншоот пешбинӣ гардида, дар умум зиёда аз 3,5 ҳазор биною иншоот мавриди баҳрабардорӣ қарор дода шудаанд. Танҳо дар соли 2024 дар вилоят зиёда аз 1240 иншооти таъйиноти гуногун ба истифодаи умум супурда шуд.

Дар доираи сафарҳои Ҷаноби Олӣ ба шаҳру ноҳияҳои Бохтар, Левакант, Норак, Данғара, Ёвон, Кӯшониён, Ховалинг, Мир Сайид Алии Ҳамадонӣ, Ҷалолиддини Балхӣ, Абдураҳмони Ҷомӣ дар соли 2024 даҳҳо адад иншооти таъйиноти гуногун бо таъсиси садҳо ҷойи корӣ мавриди баҳрабардорӣ қарор гирифт.

Таърих гувоҳ аст, ки сиёсатмадори бузурги миллати мо муҳтарам Эмомалӣ Раҳмон бо нақши сулҳофаринӣ дилу дидаҳоро тасхир намуданд, сарнавишти миллатро дигаргун карданд ва бо он ҳама созандагӣ, диловарӣ, ҷавонмардиашон тани танҳо тавонистанд маҳбуби мардум гарданд.

Сокинони вилояти Хатлон бо ному фаъолияти шоистаи таҳсини Пешвои миллат ҳамеша ифтихор менамоянд, ҳар як иқдому ташаббус, дастуру роҳнамоӣ ва ҳидоятҳои беназири ӯро дар масири бузурги давлатсозию давлатдорӣ пуштибонӣ намуда, муҳаббату самимияти худро бо меҳнати содиқона барои рушду нумӯи диёр ифода менамоянд.

Далели бузургу раднопазири дастовардҳои болозикр ин эҳтирому самимияти сокинони вилоят нисбат ба Пеш-вои маҳбуби миллат аст, ки аз фаъолияти пурмаҳсул, созанда ва дар дохилу хориҷи кишвар эътирофшудаашон бармеояд.

Кулли дигаргуниҳои мусбате, ки дар солҳои соҳибистиқлолӣ дар робита ба рушди соҳаҳои иқтисодию иҷтимоӣ дар вилояти Хатлон ба мушоҳида мерасад, натиҷаи заҳматҳои шабонарӯзии самарабахш ва хиради азалии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошанд.

Ҷойи ифтихор аст, ки ташаббусҳои Президенти Ҷумҳурии Тоҷикистон оид ба ҳалли масъалаҳои глобалии сайёра, бахусус оид ба дастрасӣ ба оби нӯшиданӣ, ҳифзи пиряхҳо ҳамчун манбаи асосии оби ошомиданӣ ва дигар мушкилоти экологӣ, муборизаи беамон бо терроризму ифротгароӣ, таъмини амниятиозуқаворӣ аз ҷониби Созмони Милали Муттаҳид бо қаноатмандӣ пазируфта шудаанд. Дар баробари ин, Тоҷикистон ба майдони баргузории чорабиниҳои муҳими сиёсӣ ва ҳамоишҳои сатҳи баланди байналмилалӣ табдил ёфт, ки ба муаррифии диёри мо ҳамчун мамлакати ташаббускор мусоидат намуд. Пешвои муаззами миллат бо ташаббусҳо ва ғояҳои башардӯстонаи худ дар ҳалли масъалаҳои мубрами иҷтимоии халқҳои дунё ва дар маҷмуъ, дар инкишофи тамаддуни ҷаҳонӣ саҳми сазовор мегузоранд.

Ҳамчун шахси сулҳофару сулҳпарвар, сарҷамъкунандаи миллату мардумсолор, амалисозандаи тарҳҳои бузурги ояндабинона баҳри рушду нумӯ ва ободии Ватан, ташаббускори ҳалли масъалаҳои глобалӣ шинохта шудани Пешвои миллат, ба феҳристи “500 мусулмони бонуфузи ҷаҳон” шомил гардидану Пешвои асри XXI эътироф гаштани муҳтарам Эмомалӣ Раҳмон далели возеҳи эътибори ҷаҳонӣ доштани Президенти Тоҷикистон мебошад.

Имрӯз мардуми Тоҷикистон дар симои Эмомалӣ Раҳмон Пешвои маҳбубу ғамгусор, Қаҳрамони миллӣ, Сарвари роҳнамову хирадпеша, ходими дурандеши давлатиро мебинанд ва бо чунин Фар-занди фарзонаи миллат худро масъуду фархундабахт мешуморанд.

Корномаи давлатсозию сулҳофарии Эмомалӣ Раҳмон дар таърихи соҳибистиқлолии мамлакат ҳеҷ гоҳ аз хотираи мардум зудуда намешавад, зеро Пешвои миллат суннатҳои давлатдории гузаштагони худро, аз Куруши Кабир то Исмоили Сомонӣ, бо анъанаҳои давлатдории ҷаҳони муосир тавъам сохта, бори дигар онҳоро эҳё намуданд, бо сиёсати хирадмандона, ҳисси баланди ватандӯстиву хештаншиносӣ ва иф-тихори миллӣ давлати дар ҳоли суқут қарордоштаро дубора барқарор ва тамо-ми аркони давлатдориро устувору пой-дор сохтанд. Ғамхориву дилнавозии Сарвари давлатро тамоми мардуми Тоҷикистон дар рӯзу рӯзгори худ эҳсос мекунанд.

Эмомалӣ Раҳмон имрӯз умеду муттакои дили миллат мебошанд ва мардуми Тоҷикистон Пешвои маҳбуби худро самимона дӯст медоранд, дар атрофи Сарвари фарзонаи давлат баҳри дифоъ аз манфиатҳои миллӣ, марзу бум ва арзишҳои давлатдориамон омодаи фидокорианд.

Эътимоди комил дорам, ки сокинони сарбаланди вилояти Хатлон ба поси хизматҳои мондагор ва фидокориҳои Ҷаноби Олӣ, ки дар поягузории сулҳу ваҳдати миллӣ, бунёди давлатдории навин, инкишофи тамаддун ва худшиносии миллӣ анҷом додаанд, беш аз пеш, бо сидқу вафо дар атрофи Пешвои маҳбубу муаззами миллат муттаҳид шуда, дар татбиқи сиёсати инсонпарварона ва фар-досозашон ҳамеша ҳамдасту ҳиссагузор

хоҳанд буд.

Сокинони шарафманди вилояти Хатлон бо самимият ва эҳтироми бузург аз таваҷҷуҳ, дастгирӣ ва ташрифи Пешвои муаззами миллат ба шаҳру ноҳияҳо сарфарозу сарбаланд буда, дар сиёсати бо-барору созандаашон собитқадам ва устуворанд.

Ҳар як сафари кории Сарвари давлат муҳтарам Эмомалӣ Раҳмон ба вилояти Хатлон файзу баракат, фаровонию нусрат ва саодату шукуфоиро афзун намуда, азму суботи бунёдкоронаи мардуми шарифи Хатлонзаминро дар самти татбиқи ташаббусҳои ояндасоз таҳким мебахшад ва онҳоро ба фардои дурахшони ватани азизамон мутмаин месозад.

Имрӯз хатлониён аз сиёсати бунёдкоронаи Пешвои миллат шукргузору қаноатманданд ва рушду пешрафти Тоҷикистони соҳибистиқлол, аз ҷумла вилояти Хатлонро ифтихормандона ба фаъолияти пурмаҳсул, самарабахш ва ибратомӯзи ӯ нисбат медиҳанд.

Боварӣ дорам, ки мардуми сарбаланди Хатлонзамин минбаъд низ сиёсати созандаву бунёдкоронаи Пешвои миллат муҳтарам Эмомалӣ Раҳмонро ҷиҳати боз ҳам баланд бурдани дараҷаи некуаҳволии халқ, расидан ба ормонҳои миллӣ, вусъати корҳои сохтмонӣ, таъмини рушди соҳаи саноат, кишоварзӣ ва иҷтимоӣ, татбиқи нақшаву ниятҳои неки ободгарона ва сазовор ҷашн гирифтани 35-солагии Истиқлоли давлатии Тоҷикистон пайгирона татбиқ хоҳанд

кард.

Раиси вилояти Хатлон

Давлаталӣ Саид

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон пас аз тасдиқи рӯзномаи ҷаласа фармонҳои Президенти Ҷумҳурии Тоҷикистонро дар бораи таъин ва озод намудани баъзе аз аъзои Ҳукумати Ҷумҳурии Тоҷикистон баррасӣ ва тасдиқ намуданд.

Баъди баррасии масъалаҳои рӯзнома дар кори ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати шашум танаффус эълон карда шуд.

Пас аз танаффус соати 10-00 дар ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати шашум Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии Ҷумҳурии Тоҷикистон ироа мегардад.

Хотиррасон бояд намуд, ки ҷаласаи якҷояи Маҷлиси миллӣ ва маҷлиси намояндагони Маҷлиси Олии Ҷумҳурии Тоҷикистон ва ироаи Паёми Президенти Ҷумҳурии Тоҷикистон бори нахуст дар бинои нави зебову пуршукӯҳи Парламенти кишвар баргузор мегардад.

 

 

 

 

Дар натиҷа, ба ҳайати нави Кумитаи иҷроияи Федератсияи футболи Тоҷикистон ба ҷуз аз президент ва чаҳор муовини ӯ инчунин Шоҳрух Саидзода, Зулфиқор Гулаҳмадзода, Раҷаббой Аҳмадзода, Давлаталӣ Саид, Аҳтам Абдуллозода, Дилшод Ҷӯразода, Фарҳод Расулзода, Нурҷахон Исмоилзода, Зайнулло Шарифзода, Лутфия Абдулхолиқзода, Ҳусейн Халилзода ва Фарҳод Мирзоев шомил гардиданд.

Нахуст, раиси комиссияи озмуни ҷумҳуриявии “Фурӯғи субҳи доноӣ китоб аст”, муовини Сарвазири мамлакат Дилрабо Мансурӣ суханронӣ намуда, таъкид кард, ки таҳти cарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ ва мусоидат дар рушди ҷаҳони маънавии тамоми сокинони кишвар соли шашум аст, ки Озмуни ҷумҳуриявии “Фурӯғи субҳи доноӣ китоб аст” баргузор гардид.

Тавре таъкид карда шуд, натиҷаи озмун нишон дод, ки шаҳри Душанбе бо гирифтани 43 ҷой (1 Шоҳҷоиза, 10 ҷойи якум, 15 ҷойи дуюм, 17 ҷойи сеюм) сазовори ҷойи якум, вилояти Хатлон соҳиби 35 ҷой (2 Шоҳҷоиза, 3 ҷойи якум, 11 ҷойи дуюм, 19 ҷойи сеюм), вилояти Суғд соҳиби 29 ҷой (5 ҷойи якум, 10 ҷойи дуюм, 14 ҷойи сеюм), Вилояти Мухтори Кӯҳистони Бадахшон соҳиби 13 ҷой (1 Шоҳҷоиза, 4 ҷойи дуюм, 8 ҷойи сеюм) ва ноҳияҳои тобеи ҷумҳурӣ соҳиби 10 ҷой (3 ҷойи якум, 2 ҷойи дуюм, 5 ҷойи сеюм) гардид.

Ба ғолибони ҷойи аввал маблағи 35000 сомонӣ, ҷойи дуюм 25000 ва ҷойи сеюм 20000 сомонӣ, диплом ва дигар туҳфаҳои хотиравӣ тақдим гардид.

Ҳамчунин, 21-уми ноябри соли ҷорӣ барои дарёфти “Шоҳҷоиза”-и Озмуни ҷумҳуриявии “Фурӯғи субҳи доноӣ китоб аст” аз 21 нафар ғолиби ҷойҳои якум 15 нафар иштирок карда, донишу ҷаҳонибинии довталабон озмунӣ санҷида шуд. ар натиҷа, Ҳасанова Малика, хонандаи синфи 11-и Муассисаи таҳсилоти миёнаи умумии №5-и шаҳри Кӯлоб сазовори Шоҳҷоиза дар номинатсияи адабиёти кӯдакону наврасон ва осори шифоҳӣ, Мабатқадамова Шаина, хонандаи синфи 9-и Мактаби Президентӣ дар шаҳри Хоруғ сазовори Шоҳҷоиза дар номинатсияи адабиёти классикии тоҷик, Шарифзода Сабрина, хонандаи синфи 11-и Муассисаи таҳсилоти миёнаи умумии №69-и ноҳияи Восеъ сазовори Шоҳҷоиза дар номинатсияи адабиёти муосири тоҷик ва Алимова Асилабону, хонандаи синфи 3-и Гимназияи №4-и шаҳри Душанбе сазовори Шоҳҷоиза дар номинатсияи адабиёти ҷаҳон гардиданд.

Дар охир муовини Сарвазири мамлакат, раиси Комиссияи озмуни ҷумҳуриявии «Фурӯғи субҳи доноӣ китоб аст» Дилрабо Мансурӣ ҷиҳати дар сатҳи баланд ташкил ва баргузор намудани Озмуни ҷумҳуриявии “Фурӯғи субҳи доноӣ китоб аст” ба Вазорати маориф ва илми кишвар, Кумитаи телевизион ва радио, Китобхонаи миллии Тоҷикистон ва дигар вазорату кумитаҳо, инчунин, дар тайёр намудани довталабон ба роҳбаладон, омӯзгорону волидон ва барои шаффофу воқеъбинона баҳогузорӣ намудан ба ҳайати доварон изҳори сипосу миннатдорӣ намуд.

Ёдовар мешавем, ки оммавигардонии китобхонӣ дар вилояти Хатлон бо ташаббуси раиси вилояти Хатлон Давлаталӣ Саид дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амалӣ гардида, натиҷаи назаррас ба бор овард.

Лозим ба таъкид аст, ки гурӯҳҳои корӣ дар шаҳру ноҳияҳо байни кормандони соҳаи маориф, омӯзгорону хонандагон ҷиҳати оммавӣ гардонидани мутолиаи асарҳои бадеӣ корбарӣ карданд. Инчунин, якчанд озмунҳо ташкил гардида, натиҷагирӣ шуд.

Маҳз ташкили оммавигардонии китобхонӣ байни синнусоли гуногун дар соҳаи маориф натиҷаи хуб дода, шумораи довталабон ва ғолибонро дар озмуни ҷумҳуриявии "Фурӯғи субҳи доноӣ китоб аст" зиёд намуд.